نظر کر تیز ہے تقدیر مٹی کی کہ پتھر کی

نظر کر تیز ہے تقدیر مٹی کی کہ پتھر کی

بتوں کو دیکھ ہیں تصویر مٹی کی کہ پتھر کی

کیا تو نے بتوں کو سجدہ آدم کو فرشتوں نے

برہمن ہے سوا توقیر مٹی کی کہ پتھر کی

میں پتلا سخت جانی کا ہوں یا گرد کدورت کا

نہیں معلوم ہوں تصویر مٹی کی کہ پتھر کی

غموں پر خاک ڈالوں میں کہ روکوں جوش وحشت کو

تردد ہے کروں تدبیر مٹی کی کہ پتھر کی

nazar kar tez hai taqdir mitti ki ke patthar ki

buton ko dekh hain taswir mitti ki ke patthar ki

kiya tu ne buton ko sajda adam ko farishton ne

barahman hai siwa tauqir mitti ki ke patthar ki

main putla sakht jani ka hun ya gard-e-kudurat ka

nahin maalum hun taswir mitti ki ke patthar ki

ghamon par khak dalon mein ke rokun josh-e-wahshat ko

taraddud hai karun tadbir mitti ki ke patthar ki