نشہ میں سہواً کر لی توبہ

نشہ میں سہواً کر لی توبہ

ایسی بھولی الٰہی توبہ

حج میں جب یاد آئیں وو آنکھیں

طاق حرم پر رکھ دی توبہ

واعظوں سے رندوں میں آئی

پھرتی ہے بہکی بہکی توبہ

قسمیں کھا کر پھر سے پینا

منہ کا نوالہ ٹھہری توبہ

دام میں پھانسا موجۂ مے نے

اک جھٹکے میں ٹوٹی توبہ

بحر گنہ سے پار اتارا

کشتیٔ رحمت ٹھہری توبہ

پی کے منیرؔ اب بادۂ کوثر

مست ہوئی ہے میری توبہ

nasha mein sahwan kar li tauba

aisi bhuli ilahi tauba

haj mein jab yad aen wo ankhen

taq-e-haram par rakh di tauba

waizon se rindon mein ai

phirti hai bahki bahki tauba

qasmen kha kar phir se pina

munh ka nawala thahri tauba

dam mein phansa mauja-e-mai ne

ik jhatke mein tuti tauba

bahr-e-gunah se par utara

kashti-e-rahmat thahri tauba

pi ke munir ab bada-e-kausar

mast hui hai meri tauba