مہ رخاں کی جو مہربانی ہے

مہ رخاں کی جو مہربانی ہے

یہ مدد مجھ پہ آسمانی ہے

رشک سیں اس کے صاف چہرہ کے

چشم پر آئنہ کی پانی ہے

دام میں بو الہوس کے آیا نئیں

کیوں کہ یہ باز آشیانی ہے

چرب ہے شمع پر جمال اس کا

شمع کی روشنی زبانی ہے

اس کے رخسار دیکھ جیتا ہوں

عارضی میری زندگانی ہے

صرف صورت کا بند نئیں ناجیؔ

عاشق صاحب معانی ہے

mah rukhan ki jo mehrbani hai

ye madad mujh pe asmani hai

rashk sin us ke saf chehra ke

chashm par aina ki pani hai

dam mein bu alhawas ke aya nain

kyun ke ye baz ashiyani hai

charb hai shama par jamal us ka

shama ki raushni zabani hai

us ke rukhsar dekh jita hun

arzi meri zindagani hai

sirf surat ka band nain naji

ashiq-e-sahab-e-maani hai