مکھڑا وہ بت جدھر کرے گا

مکھڑا وہ بت جدھر کرے گا

بندہ سجدہ ادھر کرے گا

کرنا ہو جسے کہ خانہ ویراں

دل میں ترے وہ گھر کرے گا

وہ لطف اٹھائے گا سفر کا

آپ اپنے میں جو سفر کرے گا

واعظ یہ سخن ترا کبھی آہ

ہم میں بھی کچھ اثر کرے گا

اے شیخ تجھے بتوں سے انکار

واللہ بہت ضرر کرے گا

ہو جس کو تمام شب سر شام

کیا وصل میں وہ سحر کرے گا

غمگیںؔ جو بیٹھے اس کے در پر

وہ اس کو نہ در بدر کرے گا

mukhra wo but jidhar karega

banda sajda idhar karega

karna ho jise ke khana wiran

dil mein tire wo ghar karega

wo lutf uthaega safar ka

ap apne mein jo safar karega

waiz ye sukhan tira kabhi ah

ham mein bhi kuchh asar karega

ai shaikh tujhe buton se inkar

wallah bahut zarar karega

ho jis ko tamam shab-e-sar sham

kya wasl mein wo sahar karega

ghamgin jo baithe us ke dar par

wo us ko na dar badar karega