میاں کیا ہو گر ابروئے خم دار کو دیکھا

میاں کیا ہو گر ابروئے خم دار کو دیکھا

کیوں میری طرف دیکھ کے تلوار کو دیکھا

آنکھیں مری پھوٹیں تری آنکھوں کے بغیر آہ

گر میں نے کبھی نرگس بیمار کو دیکھا

دیکھے نہ مرے اشک مسلسل کبھی تم نے

اپنی ہی سدا موتیوں کے ہار کو دیکھا

اتوار کو آنا ترا معلوم کہ اک عمر

بے پیر ترے ہم نے ہی اطوار کو دیکھا

دیکھا نہ کبھو کوچۂ دل دار کو رنگیں

بس ہم نے بھی اس دیدۂ خوں بار کو دیکھا

اس میں بھی در اندازوں نے سو رخنے نکالے

احساںؔ نے جو اس رخنۂ دیوار کو دیکھا

miyan kya ho gar abru-e-kham dar ko dekha

kyun meri taraf dekh ke talwar ko dekha

ankhen miri phuten tiri ankhon ke baghair ah

gar main ne kabhi nargis-e-bimar ko dekha

dekhe na mire ashk-e-musalsal kabhi tum ne

apni hi sada motiyon ke har ko dekha

itwar ko ana tira maalum ke ik umr

be pir tire ham ne hi atwar ko dekha

dekha na kabhu kucha-e-dil dar ko rangin

bas ham ne bhi is dida-e-khun bar ko dekha

is mein bhi dar andazon ne so rakhne nikale

ehsan ne jo is rakhna-e-diwar ko dekha