موت کو زیست ترستی ہے یہاں
مختار صدیقیموت کو زیست ترستی ہے یہاں
موت ہی کون سی سستی ہے یہاں
دم کی مشکل نہیں آساں کرتے
کس قدر عقدہ پرستی ہے یہاں
سب خرابے ہیں تمناؤں کے
کون بستی ہے جو بستی ہے یہاں
چھوڑو بے صرفہ ہیں ساون بھادوں
دیکھو ہر آنکھ برستی ہے یہاں
اب تو ہر اوج کا تارا ڈوبا
اوج کا نام ہی پستی ہے یہاں
maut ko zist tarasti hai yahan
maut hi kaun si sasti hai yahan
dam ki mushkil nahin asan karte
kis qadar uqda parasti hai yahan
sab kharabe hain tamannaon ke
kaun basti hai jo basti hai yahan
chhoro be sarfa hain sawan bhadon
dekho har ankh barasti hai yahan
ab to har auj ka tara duba
auj ka nam hi pasti hai yahan