منکر ہوتے ہیں ہنر والے

منکر ہوتے ہیں ہنر والے

نخل جھک جاتے ہیں ثمر والے

ہم نے گھورا تو ہنس کے فرمایا

اچھے آئے بری نظر والے

منہدی مل کر وہ شوخ کہتا ہے

سینک لیں آنکھیں چشم تر والے

ہے سلامت جو سنگ در ان کا

سیکڑوں مجھ سے درد سر والے

قدرؔ کیا اپنے پاس دل کے سوا

اڑیں پر والے پھولیں زر والے

munkir hote hain hunar wale

nakhl jhuk jate hain samar wale

ham ne ghora to hans ke farmaya

achchhe ae buri nazar wale

minhadi mil kar wo shokh kahta hai

saink len ankhen chashm-e-tar wale

hai salamat jo sang dar un ka

saikron mujh se dard-e-sar wale

qadr kya apne pas dil ke siwa

uren par wale phulen zar wale