منہ بنائے ہوئے پھرتا ہے وہ کل سے ہم سے

منہ بنائے ہوئے پھرتا ہے وہ کل سے ہم سے

کوئی آج اس کو ملا دے کسی کل سے ہم سے

نالہ و آہ و فغاں کیوں نہ ہوں ہم دم اپنے

دوستی عشق کو ہے روز ازل سے ہم سے

نالہ خاموش پھر آزردہ نہ ہو جائے کہیں

آج بولا ہے وہ کس رد و بدل سے ہم سے

خوف رکھتے ہیں تری کم نگہی کا ورنہ

یار ڈرتے ہیں کوئی تیغ اجل سے ہم سے

ؔجوشش اس عربدہ جو ترک ستمگار نے آج

آشتی کی ہے بڑی جنگ و جدل سے ہم سے

munh banae hue phirta hai wo kal se ham se

koi aj us ko mila de kisi kal se ham se

nala-o-ah-o-fughan kyun na hun ham dam apne

dosti ishq ko hai roz-e-azal se ham se

nala khamosh phir azurda na ho jae kahin

aj bola hai wo kis rad-o-badal se ham se

khauf rakhte hain tiri kam nigahi ka warna

yar darte hain koi tegh-e-ajal se ham se

joshish is arbada jo tark-e-sitamgar ne aj

ashti ki hai bari jang-o-jadal se ham se