مصیبت تھی ہمارے ہی لئے کیوں

مصیبت تھی ہمارے ہی لئے کیوں

یہ مانا ہم جئے لیکن جئے کیوں

نہ آنا اور پھر الزام دینا

کہ اتنے بے اثر نالے کئے کیوں

پس خم پینے میں ہے کیا بزرگی

جو پینا ہے تو پھر چھپ کر پئے کیوں

جو دی تھی حسن میں یہ دل فریبی

مجھے ہوش و حواس اتنے دیے کیوں

خیال جنبش مژگاں نہ رکھا

ہمارے زخم میں ٹانکے دیے کیوں

عزیزؔ الزام دیتا ہے مجھے ضبط

نہ تھی تاثیر تو نالے کئے کیوں

musibat thi hamare hi liye kyun

ye mana ham jiye lekin jiye kyun

na ana aur phir ilzam dena

ke itne be asar nale kiye kyun

pas kham pine mein hai kya buzurgi

jo pina hai to phir chhup kar piye kyun

jo di thi husn mein ye dil farebi

mujhe hosh-o-hawas itne diye kyun

khayal jumbish-e-mizhgan na rakha

hamare zakhm mein tanke diye kyun

aziz ilzam deta hai mujhe zabt

na thi tasir to nale kiye kyun