مضمون عشق ذہن ستم گر میں آ گیا

مضمون عشق ذہن ستم گر میں آ گیا

دریا سمٹ کے حلقۂ ساغر میں آ گیا

ہنگام ذبح جسم نے گستاخیاں جو کیں

دھبا لہو کا دامن خنجر میں آ گیا

آ نکلے تیرے سامنے کیا پوچھتا ہے یار

کچھ اس گھڑی یہی دل مضطر میں آ گیا

اس سرو قد کے قامت موزوں کو دیکھ کر

خم اے شگفتہؔ نخل صنوبر میں آ گیا

mazmun-e-ishq zehn-e-sitam-e-gar main a gaya

dariya simat ke halqa-e-saghar mein a gaya

hangam-e-zabh jism ne gustakhiyan jo kin

dhabba lahu ka daman-e-khanjar mein a gaya

a nikle tere samne kya puchhta hai yar

kuchh us ghari yahi dil-e-muztar mein a gaya

is sarw qad ke qamat-e-mauzun ko dekh kar

kham ai shagufta nakhl-e-sanobar mein a gaya