مفت کب آزاد کرتی ہے گرفتاری مجھے
انعام اللہ خاں یقینمفت کب آزاد کرتی ہے گرفتاری مجھے
جی ہے آخر لے کے چھوڑے گی یہ بیماری مجھے
کب ہوس ہے مجھ کو رسوائی کی لیکن کیا کروں
کھینچ کر لاتی ہے اس کوچہ میں لاچاری مجھے
میں جو بن غم خوار ہرگز جی نہ سکتا تھا کبھو
ان دنوں کرنی پڑی ہے دل کی غم خواری مجھے
عشق کے فن سے ابھی مجھ کو کہاں ہے اطلاع
کچھ نہیں آتا بغیر از نالہ و زاری مجھے
کیا لگا لیتا ہے خوباں کو یقیںؔ کرتی ہے داغ
آئنے کی سادہ لوحی ساتھ پرکاری مجھے
muft kab azad karti hai giraftari mujhe
ji hai akhir le ke chhoregi ye bimari mujhe
kab hawas hai mujh ko ruswai ki lekin kya karun
khinch kar lati hai us kucha mein lachari mujhe
main jo ban gham khwar hargiz ji na sakta tha kabhu
in dinon karni pari hai dil ki gham khwari mujhe
ishq ke fan se abhi mujh ko kahan hai ittila
kuchh nahin ata baghair az nala-o-zari mujhe
kya laga leta hai khuban ko yaqin karti hai dagh
aine ki sada lauhi sath parkari mujhe