مطلب نہ کعبہ سے نہ ارادہ کنشت کا

مطلب نہ کعبہ سے نہ ارادہ کنشت کا

پابند یہ فقیر نہیں سنگ و خشت کا

سر سبز ہوں جو آپ دکھا دیجے خط سبز

کشتوں کو کھیت میں ابھی عالم ہو کشت کا

اس حور کی جو گلشن عارض کی یاد تھی

دیکھا کیا فراق میں عالم بہشت کا

کیا منشی ازل کی یہ صنعت ہے دیکھنا

ماہر نہیں کسی کی کوئی سر نوشت کا

نادان اعتراض ہے صانع پہ غور کر

بے جا ہے امتیاز یہاں خوب و زشت کا

اے برقؔ سیر کرتے ہیں ہم تو جہان کی

ہر کوچۂ صنم ہے نمونہ بہشت کا

matlab na kaaba se na irada kinshat ka

paband ye faqir nahin sang-o-khisht ka

sar sabz hun jo ap dikha dije khat-e-sabz

kishton ko khet mein abhi alam ho kisht ka

is hur ki jo gulshan-e-ariz ki yad thi

dekha kiya firaq mein alam bahisht ka

kya munshshai azal ki ye sanat hai dekhna

mahir nahin kisi ki koi sar nawisht ka

nadan etiraz hai sane pe ghaur kar

be ja hai imtiyaz yahan khub-o-zisht ka

ai barq sair karte hain ham to jahan ki

har kucha-e-sanam hai namuna bahisht ka