مطبوع یار کو ہے جفا اور جفا کو ہم

مطبوع یار کو ہے جفا اور جفا کو ہم

کہتی ہے بد عدو کو وفا اور وفا کو ہم

دشنام بھی سنی نہ تمہاری زبان سے

ہے کوستی اثر کو دعا اور دعا کو ہم

افغانِ چرس رس کی لپٹ نے جلا دیا

نامے کو ڈھونڈتی ہے صبا اور صبا کو ہم

لاتا ہے ظنِ نیم تبسم سے جوش میں

دل کو قلق، قلق کو بُکا اور بُکا کو ہم

درماں مریضِ غم کا ترے کچھ نہ ہو سکا

چھیڑے ہے چارہ گر کو دوا اور دوا کو ہم

پھر کیوں نہ دیکھنے سے عدو کے ہو منفعل

پھر اس کو دوکھتی ہے حیا اور حیا کو ہم

ہیں جاں بلب کسی کے اشارے کی دیر ہے

دیکھے ہے اس نگہ کو قضا اور قضا کو ہم

ہے آرزوئے شربتِ مرگ اب تو شیفتہ

لگتی ہے زہر ہم کو شفا اور شفا کو ہم

matbu yar ko hai jafa aur jafa ko ham

kahti hai bad adu ko wafa aur wafa ko ham

dushnam bhi suni na tumhari zaban se

hai kosti asar ko dua aur dua ko ham

afghan-e-chars ras ki lipat ne jala diya

name ko dhundti hai saba aur saba ko ham

lata hai zan-e-nim tabassum se josh mein

dil ko qalaq, qalaq ko buka aur buka ko ham

darman mariz-e-gham ka tire kuchh na ho saka

chhere hai chara gar ko dawa aur dawa ko ham

phir kyun na dekhne se adu ke ho munfail

phir us ko dokhatti hai haya aur haya ko ham

hain jan balb kisi ke ishare ki der hai

dekhe hai us nigah ko qaza aur qaza ko ham

hai arzu-e-sharbat-e-marg ab to shefta

lagti hai zahr ham ko shifa aur shifa ko ham