ادھر ہوتے ہوتے ادھر ہوتے ہوتے

ادھر ہوتے ہوتے ادھر ہوتے ہوتے

ہوئی دل کی دل کو خبر ہوتے ہوتے

بڑھی چاہ دونوں طرف بڑھتے بڑھتے

محبت ہوئی اس قدر ہوتے ہوتے

ترا راستہ شام سے تکتے تکتے

مری آس ٹوٹی سحر ہوتے ہوتے

کئے جا ابھی مشق فریاد بلبل

کہ ہوتا ہے پیدا اثر ہوتے ہوتے

نہ سنبھلا محبت کا بیمار آخر

گئی جان درد جگر ہوتے ہوتے

سر شام ہی جب ہے یہ دل کی حالت

تو کیا کیا نہ ہوگا سحر ہوتے ہوتے

زمانے میں ان کے سخن کا ہے شہرہ

حفیظؔ اب ہوئے نامور ہوتے ہوتے

idhar hote hote idhar hote hote

hui dil ki dil ko khabar hote hote

barhi chah donon taraf barhte barhte

mohabbat hui is qadar hote hote

tira rasta sham se takte takte

miri as tuti sahar hote hote

kiye ja abhi mashq fariyad-e-bulbul

ke hota hai paida asar hote hote

na sambhala mohabbat ka bimar akhir

gai jan-e-dard-e-jigar hote hote

sar-e-sham hi jab hai ye dil ki halat

to kya kya na hoga sahar hote hote

zamane mein un ke sukhan ka hai shohra

hafiz ab hue namwar hote hote