موسم گل آیا ہے یارو کچھ میری تدبیر کرو

موسم گل آیا ہے یارو کچھ میری تدبیر کرو

یعنی سایۂ سر و گل میں اب مجھ کو زنجیر کرو

پیش سعایت کیا جائے ہے حق ہے میری طرف سو ہے

میں تو چپ بیٹھا ہوں یکسو گر کوئی تقریر کرو

کان لگا رہتا ہے غیر اس شوخ کماں ابرو کے بہت

اس تو گناہ عظیم پہ یارو ناک میں اس کی تیر کرو

پھیر دئیے ہیں دل لوگوں کے مالک نے کچھ میری طرف

تم بھی ٹک اے آہ و نالہ قلبوں میں تاثیر کرو

آگے ہی آزردہ ہیں ہم دل ہیں شکستہ ہمارے سب

حرف رنجش بیچ میں لا کر اور نہ اب دلگیر کرو

شعر کیے موزوں تو ایسے جن سے خوش ہیں صاحب دل

روویں کڑھیں جو یاد کریں اب ایسا تم کچھ میرؔ کرو

mausam gul aya hai yaro kuchh meri tadbir karo

yaani saya-e-sar-o-gul mein ab mujh ko zanjir karo

pesh-e-saet kya jae hai haq hai meri taraf so hai

main to chup baitha hun yakso gar koi taqrir karo

kan laga rahta hai ghair us shokh kaman abru ke bahut

is to gunah-e-azim pe yaro nak mein us ki tir karo

pher diye hain dil logon ke malik ne kuchh meri taraf

tum bhi tuk ai ah-o-nala qalbon mein tasir karo

age hi azurda hain ham dil hain shikasta hamare sab

harf ranjish bich mein la kar aur na ab dilgir karo

sher kiye mauzun to aise jin se khush hain sahab dil

rowen karhen jo yad karen ab aisa tum kuchh mir karo