مژدہ یہ صبا اس بت بے باک کو پہنچا

مژدہ یہ صبا اس بت بے باک کو پہنچا

یہ دود دل سوختہ افلاک کو پہنچا

پیغام زبانی تو نصیبوں میں کہاں تھا

نامہ بھی نہ تیرا ترے غم ناک کو پہنچا

صد چاک کیا پیرہن گل کو صبا نے

جب وہ نہ تری خوبیٔ پوشاک کو پہنچا

صحرا میں ہوسؔ خار مغیلاں کی مدد سے

بارے مرا خوں ہر خس و خاشاک کو پہنچا

muzhda ye saba us but-e-be bak ko pahuncha

ye dud-e-dil sokhta aflak ko pahuncha

paigham-e-zabani to nasibon mein kahan tha

nama bhi na tera tire gham nak ko pahuncha

sad chak kiya pairahan-e-gul ko saba ne

jab wo na tiri khubi-e-poshak ko pahuncha

sahra mein hawas khar-e-mughilan ki madad se

bare mira khun har khas-o-khashak ko pahuncha