ادھر ابر لے چشم نم کو چلا

ادھر ابر لے چشم نم کو چلا

ادھر ساقیا! میں بھی یم کو چلا

مبارک ہو کعبہ تمہیں شیخ جی!

یہ بندہ تو بیت الصنم کو چلا

سر رہ گزر آہ اے بے نشاں

کدھر چھوڑ نقش قدم کو چلا

جواہر کا ٹکڑا ہے یہ لخت دل

تو اے اشک لے اس رقم کو چلا

ترا مائل حسن اے سرو قد

سنا ہے کہ ملک عدم کو چلا

حباب لب جو کی مانند آہ

خبر جلد لے کوئی دم کو چلا

ترے عشق میں ساتھ اپنے نصیرؔ

لیے حسرت و درد و غم کو چلا

idhar abr le chashm-e-nam ko chala

idhar saqiya! mein bhi yam ko chala

mubarak ho kaaba tumhen shaikh ji!

ye banda to bit alssanam ko chala

sar-e-rah guzar ah ai be nishan

kidhar chhor naqsh-e-qadam ko chala

jawahir ka tukra hai ye lakht-e-dil

tu ai ashk le is raqam ko chala

tira mail-e-husn ai sarw qad

suna hai ke mulk-e-adam ko chala

habab-e-lab jo ki manind ah

khabar jald le koi dam ko chala

tire ishq mein sath apne nasir

liye hasrat-o-dard-o-gham ko chala