مرحلے زیست کے آسان ہوئے

مرحلے زیست کے آسان ہوئے

شہر کچھ اور بھی ویران ہوئے

آس لگاؤ پہ ہر اک شخص سے لاگ

تھی نئی بات کہ حیران ہوئے

وہ نظر اٹھنے لگی دل کی طرف

حادثے اب مرے ارمان ہوئے

آپ کو ہم سے شکایت کیسی

ہم تو غافل ہوئے نادان ہوئے

دل وارفتہ کی باتیں باقیؔ

یاد کر کر کے پشیمان ہوئے

marhale zist ke asan hue

shahr kuchh aur bhi wiran hue

as lagao pe har ik shakhs se lag

thi nai bat ke hairan hue

wo nazar uthne lagi dil ki taraf

hadse ab mire arman hue

ap ko ham se shikayat kaisi

ham to ghafil hue nadan hue

dil-e-warafta ki baten baqi

yad kar kar ke pasheman hue