مرض عشق دل کو زور لگا

مرض عشق دل کو زور لگا

جاں بلب ہوں خیال گور لگا

بے طرح کچھ گھلا ہی جاتا ہے

شمع کی طرح دل کو چور لگا

تیرے مکھڑے کو یوں تکے ہے دل

چاند کے جوں رہے چکور لگا

در و دیوار پر ہر ایک طرف

آنسوؤں سے اثرؔ کے شور لگا

maraz-e-ishq dil ko zor laga

jan balb hun khayal gor laga

be tarah kuchh ghula hi jata hai

shama ki tarah dil ko chur laga

tere mukhre ko yun take hai dil

chand ke jun rahe chakor laga

dar-o-diwar par har ek taraf

ansuon se asar ke shor laga