مرا راز دل آشکارا نہیں

مرا راز دل آشکارا نہیں

وہ دریا ہوں جس کا کنارا نہیں

وہ گل ہوں جدا سب سے ہے جس کا رنگ

وہ بو ہوں کہ جو آشکارا نہیں

وہ پانی ہوں شیریں نہیں جس میں شور

وہ آتش ہوں جس میں شرارہ نہیں

بہت زال دنیا نے دیں بازیاں

میں وہ نوجواں ہوں جو ہارا نہیں

جہنم سے ہم بے قراروں کو کیا

جو آتش پہ ٹھہرے وہ پارا نہیں

فقیروں کی مجلس ہے سب سے جدا

امیروں کا یاں تک گزارا نہیں

سکندر کی خاطر بھی ہے سد باب

جو دارا بھی ہو تو مدارا نہیں

کسی نے تری طرح سے اے انیسؔ

عروس سخن کو سنوارا نہیں

mira raz-e-dil ashkara nahin

wo dariya hun jis ka kinara nahin

wo gul hun juda sab se hai jis ka rang

wo bu hun ke jo ashkara nahin

wo pani hun shirin nahin jis mein shor

wo atish hun jis mein sharara nahin

bahut zal duniya ne den baziyan

main wo naujawan hun jo hara nahin

jahannam se ham be qararon ko kya

jo atish pe thahre wo para nahin

faqiron ki majlis hai sab se juda

amiron ka yan tak guzara nahin

sikandar ki khatir bhi hai sadd-e-bab

jo dara bhi ho to muddara nahin

kisi ne tiri tarah se ai anis

urus-e-sukhan ko sanwara nahin