مسکن وہیں کہیں ہے وہیں آشیاں کہیں
آغا شاعر قزلباشمسکن وہیں کہیں ہے وہیں آشیاں کہیں
دو آڑے سیدھے رکھ لیے تنکے جہاں کہیں
پھولوں کی سیج پھولوں کی ہیں بدھیاں کہیں
کانٹوں پہ ہم تڑپتے ہیں او آسماں کہیں
جاتے کدھر ہو تم صف محشر میں خیر ہے
دامن نہ ہو خدا کے لیے دھجیاں کہیں
پہرا بٹھا دیا ہے یہ قید حیات نے
سایہ بھی ساتھ ساتھ ہے جاؤں جہاں کہیں
بس مجھ کو داد مل گئی محنت وصول ہے
سن لے غزل یہ بلبل ہندوستاں کہیں
شاعرؔ وہ آج پھر وہیں جاتے ہوئے ملے
دشمن کے سر پہ ٹوٹ پڑے آسماں کہیں
maskan wahin kahin hai wahin ashiyan kahin
do are sidhe rakh liye tinke jahan kahin
phulon ki sej phulon ki hain baddhiyan kahin
kanton pe ham tarapte hain o asman kahin
jate kidhar ho tum saf-e-mahshar mein khair hai
daman na ho khuda ke liye dhajjiyan kahin
pahra bitha diya hai ye qaid-e-hayat ne
saya bhi sath sath hai jaun jahan kahin
bas mujh ko dad mil gai mehnat wusul hai
sun le ghazal ye bulbul-e-hindostan kahin
shayar wo aj phir wahin jate hue mile
dushman ke sar pe tut pare asman kahin