مصرعے پہ ان کے مصرعۂ قد کا گماں ہوا

مصرعے پہ ان کے مصرعۂ قد کا گماں ہوا

اک طبقہ بیت کا طبق آسمان ہوا

چنتا ہے اپنی جبے پر افشان و مہروش

گردوں کو شوق پرورش کہکشاں ہوا

کھینچا جو دشمنی سے گریباں کو دوست نے

دامان اشتیاق مرا دھجیاں ہوا

گھوریں گے کیا گلوں کو گلستان دہر میں

رخصت ہوئی بہار نزول خزاں ہوا

دکھلائیں گے بہار کلام فصیح کی

گر دہر میں شگفتہؔ کوئی قدر داں ہوا

misre pe un ke misra-e-qad ka guman hua

ik tabqa bit ka tabaq asman hua

chunta hai apni jubbe par ufshan-o-mahrawish

gardun ko shauq parwarish-e-kahkashan hua

khincha jo dushmani se gareban ko dost ne

daman-e-ishtiyaq mira dhajjiyan hua

ghuren ge kya gulon ko gulistan-e-dahr mein

rukhsat hui bahar nuzul-e-khizan hua

dikhlaenge bahar kalam-e-fasih ki

gar dahr mein shagufta koi qadr dan hua