مشکل ہے ہونا روکش رخسار کی جھلک کے

مشکل ہے ہونا روکش رخسار کی جھلک کے

ہم تو بشر ہیں اس جا پر جلتے ہیں ملک کے

مرتا ہے کیوں تو ناحق یاری برادری پر

دنیا کے سارے ناتے ہیں جیتے جی تلک کے

کہتے ہیں گور میں بھی ہیں تین روز بھاری

جاویں کدھر الٰہی مارے ہوئے فلک کے

لاتے نہیں نظر میں غلطانی گہر کو

ہم معتقد ہیں اپنے آنسو ہی کی ڈھلک کے

کل اک مژہ نچوڑے طوفان نوح آیا

فکر فشار میں ہوں میرؔ آج ہر پلک کے

mushkil hai hona rukash rukhsar ki jhalak ke

ham to bashar hain is ja par jalte hain malak ke

marta hai kyun to nahaq yari baradari par

duniya ke sare nate hain jite ji talak ke

kahte hain gor mein bhi hain tin roz bhari

jawen kidhar ilahi mare hue falak ke

late nahin nazar mein ghalatani guhar ko

ham motaqid hain apne ansu hi ki dhalak ke

kal ik mizha nichore tufan-e-nuh aya

fikr-e-fishar mein hun mir aj har palak ke