مرے مرنے سے تم کو فکر اے دل دار کیسی ہے

مرے مرنے سے تم کو فکر اے دل دار کیسی ہے

تمہاری دل لگی کو محفل اغیار کیسی ہے

ہمارے گھر سے جانا مسکرا کر پھر یہ فرمانا

تمہیں میری قسم دیکھو مری رفتار کیسی ہے

وہ مجھ سے پوچھتے ہیں غیر سے اور تم سے کیوں بگڑی

ذرا ہم بھی سنیں آپس میں یہ تکرار کیسی ہے

معاذ اللہ برق حسن کس کی آنکھیں اٹھنے دے

تماشائی نہیں واقف کہ شکل یار کیسی ہے

حسنؔ جام مے گل رنگ لے کر سوچتے کیا ہو

اگر قیمت نہیں قیمت میں یہ دستار کیسی ہے

mire marne se tum ko fikr ai dil dar kaisi hai

tumhari dil lagi ko mahfil-e-aghyar kaisi hai

hamare ghar se jana muskura kar phir ye farmana

tumhen meri qasam dekho miri raftar kaisi hai

wo mujh se puchhte hain ghair se aur tum se kyun bigri

zara ham bhi sunen apas mein ye takrar kaisi hai

maaz allah barq-e-husn kis ki ankhen uthne de

tamashai nahin waqif ke shakl-e-yar kaisi hai

husn jam-e-mai gul-e-rang le kar sochte kya ho

agar qimat nahin qimat mein ye dastar kaisi hai