مسافر

مسافر یوں ہی گیت گائے چلا جا

سر رہ گزر کچھ سنائے چلا جا

تری زندگی سوز و ساز محبت

ہنسائے چلا جا رلائے چلا جا

ترے زمزمے ہیں خنک بھی تپاں بھی

لگائے چلا جا بجھائے چلا جا

کوئی لاکھ روکے کوئی لاکھ ٹوکے

قدم اپنے آگے بڑھائے چلا جا

حسیں بھی تجھے راستے میں ملیں گے

نظر مت ملا مسکرائے چلا جا

محبت کے نقشے تمنا کے خاکے

بنائے چلا جا مٹائے چلا جا

قدامت حدیں کھینچتی ہی رہے گی

قدامت کی بنیاد ڈھائے چلا جا

قسم شوق کی فطرت مضطرب کی

یوں ہی نت نئی دھن میں گائے چلا جا

جو پرچم اٹھا ہی لیا سرکشی کا!

اسے آسماں تک اڑائے چلا جا

musafir yun hi git gae chala ja

sar-e-rah guzar kuchh sunae chala ja

tiri zindagi soz-o-saz-e-mohabbat

hansae chala ja rulae chala ja

tire zamzame hain khunuk bhi tapan bhi

lagae chala ja bujhae chala ja

koi lakh roke koi lakh toke

qadam apne age barhae chala ja

hasin bhi tujhe raste mein milenge

nazar mat mila muskurae chala ja

mohabbat ke naqshe tamanna ke khake

banae chala ja mitae chala ja

qadamat haden khinchti hi rahegi

qadamat ki buniyad dhae chala ja

qasam shauq ki fitrat muztarib ki

yun hi nit nai dhun mein gae chala ja

jo parcham utha hi liya sarkashi ka!

use asman tak urae chala ja