مانند شمع بزم پگھلنے کے واسطے
ہاجر دہلویمانند شمع بزم پگھلنے کے واسطے
پیدا ہوا ہوں عشق میں جلنے کے واسطے
وہ ناز کر رہے ہیں شب وصل اور ادھر
ارماں تڑپ رہے ہیں نکلنے کے واسطے
بلبل سے کہہ دو شیوۂ فریاد چھوڑ دے
آئیں گے باغ میں وہ ٹہلنے کے واسطے
رونے کو ہجر یار میں آنکھیں عطا ہوئیں
بخشا گیا ہے دل بھی مچلنے کے واسطے
سچ پوچھئے تو عشق میں خود کو بدل لیا
ہم نے خیال یار بدلنے کے واسطے
ہاجرؔ قرار دل کو نہ آیا کسی طرح
کیا کیا کیا نہ اس کے بہلنے کے واسطے
manind-e-sham-e-bazm pighalne ke waste
paida hua hun ishq mein jalne ke waste
wo naz kar rahe hain shab-e-wasl aur idhar
arman tarap rahe hain nikalne ke waste
bulbul se kah do shewa-e-fariyad chhor de
aenge bagh mein wo tahalne ke waste
rone ko hijr-e-yar mein ankhen ata huin
bakhsha gaya hai dil bhi machalne ke waste
sach puchhiye to ishq mein khud ko badal liya
ham ne khayal-e-yar badalne ke waste
hajir qarar-e-dil ko na aya kisi tarah
kya kya kiya na us ke bahalne ke waste