مت بیٹھ وقت نزع تو یاں اے حسیں بہت

مت بیٹھ وقت نزع تو یاں اے حسیں بہت

الفت نہ کر تو آہ دم واپسیں بہت

یہ سچ کرے ہے ناز ہر اک نازنیں بہت

عاشق کشی کا چاؤ پہ دیکھا یہیں بہت

ہوتی ہے اس کے دیکھتے حالت مری تغیر

ہر چند میں سنبھالوں ہوں اپنے تئیں بہت

یہ کون جانے جھوٹ ہے یا سچ ولیک آج

اس کم سخن نے پیار کی باتیں تو کیں بہت

عشاق ہی کو غم نہیں معشوق کو بھی ہے

لیکن یہ فرق ہے کہیں تھوڑا کہیں بہت

mat baith waqt-e-nazaa to yan ai hasin bahut

ulfat na kar to ah dam-e-wapasen bahut

ye sach kare hai naz har ik naznin bahut

ashiq kashi ka chao pe dekha yahin bahut

hoti hai us ke dekhte halat miri taghayyur

har chand mein sambhalun hun apne tain bahut

ye kaun jane jhut hai ya sach wilyak aj

is kam sukhan ne pyar ki baten to kin bahut

ushshaq hi ko gham nahin maashuq ko bhi hai

lekin ye farq hai kahin thora kahin bahut