مانند شمع مجلس شب اشکبار پایا

مانند شمع مجلس شب اشکبار پایا

القصہ میرؔ کو ہم بے اختیار پایا

احوال خوش انھوں کا ہم بزم ہیں جو تیرے

افسوس ہے کہ ہم نے واں کا نہ بار پایا

جیتے جو ضعف ہو کر زخم رسا سے اس کے

سینے کو چاک دیکھا دل کو فگار پایا

شہر دل ایک مدت اجڑا بسا غموں میں

آخر اجاڑ دینا اس کا قرار پایا

اتنا نہ تجھ سے ملتے نے دل کو کھو کے روتے

جیسا کیا تھا ہم نے ویسا ہی یار پایا

کیا اعتبار یاں کا پھر اس کو خوار دیکھا

جس نے جہاں میں آ کر کچھ اعتبار پایا

آہوں کے شعلے جس جا اٹھتے تھے میرؔ سے شب

واں جا کے صبح دیکھا مشت غبار پایا

manind-e-sham-e-majlis shab ashkbar paya

alqissa mir ko ham be ikhtiyar paya

ahwal khush inhon ka ham bazm hain jo tere

afsos hai ke ham ne wan ka na bar paya

jite jo zof ho kar zakhm-e-rasa se us ke

sine ko chak dekha dil ko figar paya

shahr-e-dil ek muddat ujra basa ghamon mein

akhir ujar dena us ka qarar paya

itna na tujh se milte ne dil ko kho ke rote

jaisa kya tha ham ne waisa hi yar paya

kya etibar yan ka phir us ko khwar dekha

jis ne jahan mein a kar kuchh etibar paya

ahon ke shole jis ja uthte the mir se shab

wan ja ke subh dekha musht-e-ghubar paya