ماہ من شمع تمن دل کے شبستان میں آ

ماہ من شمع تمن دل کے شبستان میں آ

نور دیدہ ہو میری چشم کے ایوان میں آ

بے نیازی سوں تیری جاں بلب آیا ہے مجھے

چھوڑ کر طور جفا کچھ رہ احسان میں آ

دل تو بے حال ہوا گوئی نمن سرگرداں

زلف پر پیچ کے چوگان لے میدان میں آ

سرو شمشاد و گل و لالہ اسی کا ہے ظہور

دیکھنے اس کے ظہورات کوں بستان میں آ

صورت لفظ و عبارات و معانی اندر

جلوہ گر توں چہ ہوا ہے میرے دیوان میں آ

سخت پردا ہے گماں دیدۂ دل پر قربیؔ

دیک مکھ یار کا ہر جا رہ ایقان میں آ

mah man shama tuman dil ke shabistan mein a

nur-e-dida ho meri chashm ke aiwan mein a

be niyazi sun teri jan balb aya hai mujhe

chhor kar tur jafa kuchh rah-e-ehsan mein a

dil to be hal hua goi naman sargardan

zulf pur pech ke chaugan le maidan mein a

sarw shamshad-o-gul-o-lala usi ka hai zuhur

dekhne us ke zuhurat kun bistan mein a

surat-e-lafz-o-abarat-o-maani andar

jalwa gar tun cha hua hai mere diwan mein a

sakht parda hai guman dida-e-dil par qurbi

dek mukh yar ka har ja rah-e-iqan mein a