ماہ نو پردۂ سحاب میں ہے

ماہ نو پردۂ سحاب میں ہے

یا کہ ابرو کوئی نقاب میں ہے

رنگت اس رخ کی گل نے پائی ہے

اور پسینے کی بو گلاب میں ہے

آج ساقی شکار کھیلے گا

بط مے کانسۂ شراب میں ہے

طول روز فراق کہتا ہے

حشر کا روز کس حساب میں ہے

شربت قند کی سی شیرینی

دہن یار کے لعاب میں ہے

شان سے کچھ بگڑ گئی شاید

زلف شب رنگ پیچ و تاب میں ہے

ہو سخیؔ کو نہ فکر یا اللہ

عرض اتنی تیری جناب میں ہے

mah-e-nau parda-e-sahab mein hai

ya ke abru koi naqab mein hai

rangat us rukh ki gul ne pai hai

aur pasine ki bu gulab mein hai

aj saqi shikar khelega

bat-e-mai kansah-e-sharab mein hai

tul-e-roz-e-firaq kahta hai

hashr ka roz kis hisab mein hai

sharbat-e-qand ki si shirini

dahan-e-yar ke luab mein hai

shan se kuchh bigar gai shayad

zulf-e-shab rang pech-o-tab mein hai

ho sakhi ko na fikr ya allah

arz itni teri janab mein hai