مانگیں نہ ہم بہشت نہ ہو واں اگر شراب
میر مہدی مجروحمانگیں نہ ہم بہشت نہ ہو واں اگر شراب
دوزخ میں ڈال دیجئے دیجے مگر شراب
زاہد کے بخت بد کی ہے خوبی وگرنہ کیوں
چھوڑے کوئی شراب کی امید پر شراب
توبہ تو ہم نے کی ہے پر اب تک یہ حال ہے
پانی بھر آئے منہ میں دکھا دیں اگر شراب
گویا شراب ہی سے بھرا عمر کا قدح
موت اس کی خوب ہے جو پیے عمر بھر شراب
سمجھا نہیں کہ جیتے ہیں مردے اسی طرح
چھڑکے وگرنہ کیوں وہ مری خاک پر شراب
ہے لطف زیست یہ کہ وہ بیٹھا ہو روبرو
بکھرے ہوں پھول ادھر تو دھری ہو ادھر شراب
بے خود کیا جہاں کو تری چشم مست نے
تھی کیسی اس پیالے میں اے فتنہ گر شراب
چشم سیاہ مست نگہ مست آپ مست
پیتا ہے دل لگی کو بت عشوہ گر شراب
توبہ میں ہم نہ کھائیں گے الزام کیا ہوا
اک آدھ یار پی گئے گر بھول کر شراب
mangen na ham bahisht na ho wan agar sharab
dozakh mein dal dijiye dije magar sharab
zahid ke bakht-e-bad ki hai khubi wagarna kyun
chhore koi sharab ki ummid par sharab
tauba to ham ne ki hai par ab tak ye hal hai
pani bhar ae munh mein dikha den agar sharab
goya sharab hi se bhara umr ka qadah
maut us ki khub hai jo piye umr bhar sharab
samjha nahin ke jite hain murde isi tarah
chhirke wagarna kyun wo miri khak par sharab
hai lutf-e-zist ye ke wo baitha ho rubaru
bikhre hun phul idhar to dhari ho idhar sharab
be khud kiya jahan ko tiri chashm-e-mast ne
thi kaisi is pyale mein ai fitna gar sharab
chashm-e-siyah mast-e-nigah mast ap mast
pita hai dil lagi ko but-e-ishwa gar sharab
tauba mein ham na khaenge ilzam kya hua
ik adh yar pi gae gar bhul kar sharab