مایۂ ناز راز ہیں ہم لوگ

مایۂ ناز راز ہیں ہم لوگ

محرم راز ناز ہیں ہم لوگ

بزم دل میں دیا نہ عیش کو بار

صاحب امتیاز ہیں ہم لوگ

ہم سے ملتی ہے برق طور کو داد

وہ تبسم نواز ہیں ہم لوگ

عقل عاجز ہے بے خبر ہے ہوش

چشم بد دور راز ہیں ہم لوگ

حشر امید سے مراد ہیں ہم

گلہ ہائے دراز ہیں ہم لوگ

تیری ناز آفرینیاں ہیں گواہ

کہ سراپا نیاز ہیں ہم لوگ

حسن بے جلوہ کچھ سہی فانیؔ

جلوۂ جلوہ ساز ہیں ہم لوگ

maya-e-naz raz hain ham log

mahram-e-raz-e-naz hain ham log

bazm-e-dil mein diya na aish ko bar

sahab-e-imtiyaz hain ham log

ham se milti hai barq-e-tur ko dad

wo tabassum nawaz hain ham log

aql ajiz hai be khabar hai hosh

chashm-e-bad dur raz hain ham log

hashr ummid se murad hain ham

gila ha-e-daraz hain ham log

teri naz afriniyan hain gawah

ke sarapa niyaz hain ham log

husn-e-be jalwa kuchh sahi fani

jalwa-e-jalwa saz hain ham log