مت غضب کر چھوڑ دے غصہ سجن

مت غضب کر چھوڑ دے غصہ سجن

آ جدائی خوب نئیں مل جا سجن

بے دلوں کی عذر خواہی مان لے

جو کہ ہونا تھا سو ہو گزرا سجن

تم سوا ہم کوں کہیں جاگا نہیں

پس لڑو مت ہم سیتی بے جا سجن

مر گئے غم سیں تمہارے ہم پیا

کب تلک یہ خون غم کھانا سجن

جو لگے اب کاٹنے اخلاص کے

کیا یہی تھا پیار کا ثمرا سجن

چھوڑ تم کوں اور کس سیں ہم ملیں

کون ہے دنیا میں کوئی تم سا سجن

پاؤں پڑتا ہوں تمہارے رحم کو

بات میری مان لے ہاہا سجن

تنگ رہنا کب تلک غنچے کی طرح

پھول کے مانند ٹک کھل جا سجن

آبروؔ کوں کھو کے پچھتاؤ گے تم

ہم کو لازم ہے اتا کہنا سجن

mat ghazab kar chhor de ghussa sajan

a judai khub nain mil ja sajan

be dilon ki uzr khwahi man le

jo ke hona tha so ho guzra sajan

tum siwa ham kun kahin jaga nahin

pas laro mat ham saiti be ja sajan

mar gae gham sin tumhare ham piya

kab talak ye khun-e-gham khana sajan

jo lage ab katne ikhlas ke

kya yahi tha pyar ka samra sajan

chhor tum kun aur kis sin ham milen

kaun hai duniya mein koi tum sa sajan

paon parta hun tumhare rahm ko

bat meri man le haha sajan

tang rahna kab talak ghunche ki tarah

phul ke manind tuk khul ja sajan

abru kun kho ke pachhtaoge tum

ham ko lazim hai ita kahna sajan