مت غصہ کے شعلے سوں جلتے کوں جلاتی جا

مت غصہ کے شعلے سوں جلتے کوں جلاتی جا

ٹک مہر کے پانی سوں تو آگ بجھاتی جا

تجھ چال کی قیمت سوں دل نیں ہے مرا واقف

اے مان بھری چنچل ٹک بھاؤ بتاتی جا

اس رات اندھاری میں مت بھول پڑوں تجھ سوں

ٹک پاؤں کے جھانجھر کی جھنکار سناتی جا

مجھ دل کے کبوتر کوں باندھا ہے تری لٹ نے

یہ کام دھرم کا ہے ٹک اس کو چھڑاتی جا

تجھ مکھ کی پرستش میں گئی عمر مری ساری

اے بت کی پجن‌ ہاری ٹک اس کو پجاتی جا

تجھ عشق میں جل جل کر سب تن کوں کیا کاجل

یہ روشنی افزا ہے انکھیا کو لگاتی جا

تجھ نیہ میں دل جل جل جوگی کی لیا صورت

یک بار اسے موہن چھاتی سوں لگاتی جا

تجھ گھر کی طرف سندر آتا ہے ولیؔ دائم

مشتاق درس کا ہے ٹک درس دکھاتی جا

mat ghussa ke shole sun jalte kun jalati ja

tuk mehr ke pani sun to ag bujhati ja

tujh chal ki qimat sun dil nain hai mira waqif

ai man bhari chanchal tuk bhao batati ja

is rat andhari mein mat bhul parun tujh sun

tuk paon ke jhunanijjhar ki jhankar sunati ja

mujh dil ke kabutar kun bandha hai tiri lut ne

ye kam dharm ka hai tuk us ko chhurati ja

tujh mukh ki parastish mein gai umr miri sari

ai but ki pajan hari tuk us ko pajjiti ja

tujh ishq mein jal jal kar sab tan kun kiya kajal

ye raushni afza hai ankhiya ko lagati ja

tujh naya mein dil jal jal jogi ki liya surat

yak bar use mohan chhati sun lagati ja

tujh ghar ki taraf sundar ata hai wali daim

mushtaq dars ka hai tuk dars dikhati ja