اتش حسن بھری ہے تیرے رخساروں میں

اتش حسن بھری ہے تیرے رخساروں میں

کون منہ مارے دہکتے ہوئے انگاروں میں

طالب دید کو جب دید کا موقع نہ ملا

لاکھوں سوراخ کئے یار کی دیواروں میں

آج کیا تو نے عیادت کا کیا ہے وعدہ

کھلبلی آج مچی ہے تیرے بیماروں میں

سینکڑوں بوتلیں اور بیسیوں ساغر ٹوٹے

ہاتھا پائی جو ذرا ہو گئی مے خواروں میں

غیر سے آج ہوئی نوچا کھسوٹی تیری

داغ جو نیلے پڑے ہیں تیرے رخساروں میں

باد ابرو سے شب ہجر کو کاٹا ہم نے

یہ بھی چلتا ہوا ہتھیار ہے ہتھیاروں میں

کہیں ہو جائے اسے بردہ فروشی میں سزا

غیر اس بت کو لئے پھرتا ہے بازاروں میں

ہم کو بھی حسن ملاحت کا مزہ چکھوا دو

ہم بھی ہیں آپ کے مدت سے طلب گاروں میں

بوم صاحب کا عجب رنگ نرالا دیکھا

یار یاروں میں ہے اغیار ہے اغیاروں میں

atash husn bhari hai tere rukhsaron mein

kaun munh mare dahakte hue angaron mein

talib-e-did ko jab did ka mauqaa na mila

lakhon surakh kiye yar ki diwaron mein

aj kya tu ne ayadat ka kiya hai waada

khalbali aj machi hai tere bimaron mein

sainkron botalen aur bisiyon saghar tute

hatha pai jo zara ho gai mai khwaron mein

ghair se aj hui nocha khasoti teri

dagh jo nile pare hain tere rukhsaron mein

bad abru se shab-e-hijr ko kata ham ne

ye bhi chalta hua hathiyar hai hathiyaron mein

kahin ho jae use barda faroshi mein saza

ghair us but ko liye phirta hai bazaron mein

ham ko bhi husn malahat ka maza chakhwa do

ham bhi hain ap ke muddat se talab garon mein

bum sahab ka ajab rang nirala dekha

yar yaron mein hai aghyar hai aghyaron mein