مثل سرمد طالب حق بیں اگر سرداد داد

مثل سرمد طالب حق بیں اگر سرداد داد

دیکھ لے منصور نے جی دار پر استاد داد

عشق ہے اے دل کٹھن کچھ خانۂ خالہ نہیں

رکھ دلیرانہ قدم تا تجھ کو ہو امداد داد

ہو نہیں سکتی ہے جس کی گوش زد فریاد داد

جس نے آباداں میرے دل کا نگر برباد داد

رشک دنیا ہے کسی نے کیوں برائے چند روز

زندگی اپنے تئیں افسوس یا میعاد داد

کس سے ہو سکتا ہے جو اس نے کیا عالم کے ساتھ

صورت خاکی میں کیسا کچھ دم ایجاد داد

خرم و خورسند اک عالم ہے پر حیراں ہوں میں

کیوں مجھے خاطر حزیں ہوئے دل ناشاد داد

آفریدیؔ اس شکار انداز سے کیونکر بجے

دام میں جس کے ہے سب خلقت ازاں صیاد داد

misl-e-sarmad talib-e-haq bin agar sardad dad

dekh le mansur ne ji dar par ustad dad

ishq hai ai dil kathin kuchh khana-e-khala nahin

rakh dilerana qadam ta tujh ko ho imdad dad

ho nahin sakti hai jis ki gosh zad fariyad dad

jis ne abadan mere dil ka nagar barbad dad

rashk-e-duniya hai kisi ne kyun bara-e-chand roz

zindagi apne tain afsos ya miad dad

kis se ho sakta hai jo us ne kiya alam ke sath

surat-e-khaki mein kaisa kuchh dam-e-ijad dad

khurram-o-khursand ik alam hai par hairan hun main

kyun mujhe khatir-e-hazin hue dil-e-nashad dad

afridi is shikar andaz se kyunkar baje

dam mein jis ke hai sab khilqat azan sayyad dad