مجھ ساتھ سیر باغ کوں اے نوبہار چل

مجھ ساتھ سیر باغ کوں اے نوبہار چل

بلبل ہے انتظار میں اے گل عذار چل

کرنے کوں قتل عاشق جاں باز کے صنم

لے تیغ ناز ہاتھ کمر رکھ کٹار چل

کرنے نظارہ باغ کا نکلا ہے گلبدن

برجا ہے ہر چمن سوں گر آوے بہار چل

اس گل بدن سوں ذوق ہم آغوش ہے اگر

ہو چاک سینہ گل کے نمن بن کے ہار چل

اس شمع رو کے وصل کا گر تجھ کوں شوق ہے

محفل میں عاشقاں کی ہو پروانہ وار چل

آخر اسیر عمر کا ہے اس جہاں سوں کوچ

اس واسطے ہے دم کی جرس میں پکار چل

گر عزم ہے بزرگی اس عالم میں ہوئے حصول

اعمال نامہ جگ میں اپس کا سنوار چل

گر یار کے ہے وصل کی نعمت کی اشتہا

ہر شے سوں رہ او پاس وہاں لگ نہار چل

اول خودی کے گھر کوں اے داؤدؔ توڑ سٹ

مے خانۂ وصال میں تب سدھ بسار چل

mujh sath sair-e-bagh kun ai naubahar chal

bulbul hai intizar mein ai gul izar chal

karne kun qatl-e-ashiq-e-jan baz ke sanam

le tegh-e-naz hath kamar rakh katar chal

karne nazara bagh ka nikla hai gulbadan

barja hai har chaman sun gar awe bahar chal

us gul badan sun zauq ham aghosh hai agar

ho chak-e-sina gul ke naman ban ke har chal

is shama ro ke wasl ka gar tujh kun shauq hai

mahfil mein ashiqan ki ho parwana war chal

akhir asir-e-umr ka hai is jahan sun kuch

is waste hai dam ki jaras mein pukar chal

gar azm hai buzurgi is alam mein hue husul

aamal nama jag mein apas ka sanwar chal

gar yar ke hai wasl ki nemat ki ishtiha

har shai sun rah o pas wahan lag nahar chal

awwal khudi ke ghar kun ai daud tor sat

mai khana-e-wisal mein tab sudh bisar chal