مثال تار نظر کیا نظر نہیں آتا

مثال تار نظر کیا نظر نہیں آتا

کبھی خیال میں موئے کمر نہیں آتا

ہمارے عیب نے بے عیب کر دیا ہم کو

یہی ہنر ہے کہ کوئی ہنر نہیں آتا

محال ہے کہ مرے گھر وہ رات کو آئے

کہ شب کو مہر درخشاں نظر نہیں آتا

تمام خلق میں رہتی ہے دھوپ راتوں کو

وہ مہر بام سے جب تک اتر نہیں آتا

محال ہے کہ جہنم میں خلد سے جائیں

جو در پر آپ کے جاتا ہے گھر نہیں آتا

ہماری زیست میں تھے ساتھ کون کون اے برقؔ

اب ایک فاتحہ کو قبر پر نہیں آتا

misal-e-tar-e-nazar kya nazar nahin ata

kabhi khayal mein mu-e-kamar nahin ata

hamare aib ne be aib kar diya ham ko

yahi hunar hai ke koi hunar nahin ata

muhal hai ke mire ghar wo rat ko ae

ke shab ko mehr-e-darakhshan nazar nahin ata

tamam khalq mein rahti hai dhup raton ko

wo mehr bam se jab tak utar nahin ata

muhal hai ke jahannam mein khuld se jaen

jo dar par ap ke jata hai ghar nahin ata

hamari zist mein the sath kaun kaun ai barq

ab ek fatiha ko qabr par nahin ata