اثر دیکھا دعا جب رات بھر کی

اثر دیکھا دعا جب رات بھر کی

ضیا کچھ کچھ ہے تاروں میں سحر کی

ہوئے رخصت جہاں سے صبح ہوتے

کہانی ہجر میں یوں مختصر کی

تڑپ اٹھے لحد میں سونے والے

زمیں کی سمت یوں تم نے نظر کی

سحر کو موت کی مانگی دعائیں

دعا مقبول ہوتی ہے سحر کی

یہ بجلی ہے کہ اے ابر شب ہجر

ہے دھجی ایک دامان سحر کی

asar dekha dua jab rat bhar ki

ziya kuchh kuchh hai taron mein sahar ki

hue rukhsat jahan se subh hote

kahani hijr mein yun mukhtasar ki

tarap uthe lahad mein sone wale

zamin ki samt yun tum ne nazar ki

sahar ko maut ki mangi duaen

dua maqbul hoti hai sahar ki

ye bijli hai ke ai abr-e-shab-e-hijr

hai dhajji ek daman-e-sahar ki