لب جاں بخش پر جو نالہ ہے

لب جاں بخش پر جو نالہ ہے

اب مسیحا بھی مرنے والا ہے

خون تھوکا مدام صورت زخم

دل ناصور اب تک آلا ہے

رو رہا ہوں مثل ابر بہار

دونگڑا مینہ کا ہے نہ جھالا ہے

وہ بلانوش رنج و محنت ہوں

غم کونین اک نوالا ہے

ہر قدم پر ہیں سیکڑوں پامال

سرکشوں کا چلن نرالا ہے

ہر مژہ پر رواں ہیں کودک اشک

نے سواروں کا یار سالا ہے

اشک خوں روح پر ہیں مثل شفق

رنگ کس شوخ نے اچھالا ہے

فرد اعمال نیک کاراں شادؔ

قصر فردوس کا قبالہ ہے

lab-e-jan bakhsh par jo nala hai

ab masiha bhi marne wala hai

khun thuka mudam surat-e-zakhm

dil-e-nasur ab tak ala hai

ro raha hun misl-e-abr-e-bahar

daungira menh ka hai na jhala hai

wo balanosh ranj-o-mehnat hun

gham-e-kaunain ik nauilla hai

har qadam par hain saikron pamal

sarkashon ka chalan nirala hai

har mizha par rawan hain kaudak-e-ashk

ne sawaron ka yar sala hai

ashk-e-khun ruh par hain misl-e-shafaq

rang kis shokh ne uchhala hai

fard aamal nek karan shad

qasr-e-firdaus ka qabala hai