لا کے دنیا میں ہمیں زہر فنا دیتے ہیں

لا کے دنیا میں ہمیں زہر فنا دیتے ہیں

ہائے اس بھول بھلیاں میں دغا دیتے ہیں

رحم بھی ظلم و ستم سے نہیں خالی ان کا

دامن تیغ سے زخموں کو ہوا دیتے ہیں

دل میں درد آنکھوں میں آشوب جگر میں سوزش

عشق کیا دیتے ہیں اک روگ لگا دیتے ہیں

منعموں کا نہیں دریوزہ گروں پر احساں

آپ کیا دیں گے وہ خالق کا دیا دیتے ہیں

دہن یار کی تعریف لکھی کیا کہنا

قدرؔ تو جھوٹ کو سچ کر کے دکھا دیتے ہیں

la ke duniya mein hamen zahr-e-fana dete hain

hae is bhul bhaliyan mein dagha dete hain

rahm bhi zulm-o-sitam se nahin khali un ka

daman-e-tegh se zakhmon ko hua dete hain

dil mein dard ankhon mein ashob-e-jigar mein sozish

ishq kya dete hain ik rog laga dete hain

munmon ka nahin daryuza garon par ehsan

ap kya denge wo khaliq ka diya dete hain

dahan-e-yar ki taarif likhi kya kahna

qadr to jhut ko sach kar ke dikha dete hain