لب رنگیں سے اگر تو گہر افشاں ہوتا

لب رنگیں سے اگر تو گہر افشاں ہوتا

لکھنؤ لعلوں کے معدن سے بدخشاں ہوتا

اے پری تو وہ پری ہے کہ تری دیکھ کے شکل

ہر فرشتہ کی تمنا ہے کہ انساں ہوتا

رہ گیا پردہ مرا ورنہ ترے جاتے ہی

نہ یہ دامن نظر آتا نہ گریباں ہوتا

آ نکلتا کبھی زاہد جو تری محفل میں

ہاتھ میں شیشۂ مے طاق پہ قرآں ہوتا

خیر گزری جو کھلے بالوں کو اس نے باندھا

ورنہ مجموعہ عناصر کا پریشاں ہوتا

مر گیا زلف کی میں پیچ اٹھا کر اے برقؔ

کیوں نہ افسانہ مرا خواب پریشاں ہوتا

lab-e-rangin se agar to guhar afshan hota

lakhnau laalon ke maadin se badakhshan hota

ai pari to wo pari hai ke tiri dekh ke shakl

har farishta ki tamanna hai ke insan hota

rah gaya parda mira warna tire jate hi

na ye daman nazar ata na gareban hota

a nikalta kabhi zahid jo tiri mahfil mein

hath mein shisha-e-mai taq pe quran hota

khair guzri jo khule balon ko us ne bandha

warna majmua anasir ka pareshan hota

mar gaya zulf ki main pech utha kar ai barq

kyun na afsana mira khwab-e-pareshan hota