لب جاں بخش کے میٹھے کا تیرے جو مزہ پایا

لب جاں بخش کے میٹھے کا تیرے جو مزہ پایا

تو چشمہ زندگی کا اپنی لبریز بقا پایا

نہ ہوئے کیوں بصد جاں دل مرا مفتوں ترا جاناں

کہ ہر جلوے میں تیرے یک کرشمہ میں جدا پایا

دوبالا کیوں نہ ہو نشہ دل حیراں کی حیرت کا

جو تجھ کو سب میں اور تیرے میں سب کو برملا پایا

تری اک گردش مژگاں سے یوں بے تاب و طاقت ہوں

نہ کہہ سکتا ہوں کچھ گر کوئی پوچھے تو نے کیا پایا

نہ دنیا اس میں رہ پاوے نہ عقبیٰ اس کو پھیلاوے

دل آگاہؔ کے کوثر میں جن نے انزوا پایا

lab-e-jan bakhsh ke mithe ka tere jo maza paya

tu chashma zindagi ka apni labrez baqa paya

na hue kyun basad jan dil mira maftun tira janan

ke har jalwe mein tere yak karishma mein juda paya

dobala kyun na ho nasha dil hairan ki hairat ka

jo tujh ko sab mein aur tere mein sab ko barmala paya

tiri ik gardish-e-mizhgan se yun be tab-o-taqat hun

na kah sakta hun kuchh gar koi puchhe tu ne kya paya

na duniya is mein rah pawe na uqba us ko phailawe

dil agah ke kausar mein jin ne anzawa paya