اثر کر کے آہ رسا پھر گئی

اثر کر کے آہ رسا پھر گئی

ہوا صاف مطلع ہوا پھر گئی

سواری تری آ کے کیا پھر گئی

ادھر کو ادھر کی ہوا پھر گئی

مرے سر سے تیغ جفا پھر گئی

کئی بار آئی قضا پھر گئی

گیا دیو غم جلوۂ یار سے

پری زاد آیا بلا پھر گئی

یہ جاں بخش اس جانستاں کی ہے چال

وہ آیا جو پھر کر قضا پھر گئی

گھڑی دو گھڑی کا ہے تیرا مریض

طبیب اٹھ گئے ہر دوا پھر گئی

تو آتا نہیں اس گلی میں منیرؔ

طبیعت تری ہم سے کیا پھر گئی

asar kar ke ah-e-rasa phir gai

hawa saf matlaa hua phir gai

sawari tiri a ke kya phir gai

idhar ko idhar ki hawa phir gai

mire sar se tegh-e-jafa phir gai

kai bar ai qaza phir gai

gaya dew-e-gham jalwa-e-yar se

pari zad aya bala phir gai

ye jan bakhsh is jansitan ki hai chal

wo aya jo phir kar qaza phir gai

ghari do ghari ka hai tera mariz

tabib uth gae har dawa phir gai

tu ata nahin us gali mein munir

tabiat tiri ham se kya phir gai