قربان ہے سو جان سے تم پر گلہ کیسا

قربان ہے سو جان سے تم پر گلہ کیسا

دیکھو تو مرے دل نے کیا حوصلہ کیسا

ہوتا ہے مگر قید کوئی آپ کا وحشی

سنیے تو ہے زنداں کی طرف غلغلہ کیسا

ہاں شدت درد جگری بزم میں لائی

دل مر گیا اے دوست تو پھر ولولہ کیسا

تو نے تو کہا ہے میں رگ جاں سے قریں ہوں

اور ہجر کا ہے قول کہ یہ فاصلہ کیسا

مر جائے گا پابند وفا ظلم نہ چھوڑو

میں قصۂ دل کہتا ہوں اے جاں گلہ کیسا

qurban hai sau jan se tum par gila kaisa

dekho to mire dil ne kiya hausla kaisa

hota hai magar qaid koi ap ka wahshi

suniye to hai zindan ki taraf ghalghala kaisa

han shiddat-e-dard-e-jigri bazm mein lai

dil mar gaya ai dost to phir walwala kaisa

tu ne to kaha hai main rag-e-jan se qarin hun

aur hijr ka hai qaul ke ye fasla kaisa

mar jaega paband-e-wafa zulm na chhoro

main qissa-e-dil kahta hun ai jan gila kaisa