قدم قدم پہ تمنائے التفات تو دیکھ

قدم قدم پہ تمنائے التفات تو دیکھ

زوال عشق میں سوداگروں کا ہات تو دیکھ

بس ایک ہم تھے جو تھوڑا سا سر اٹھا کے چلے

اسی روش پہ رقیبوں کے واقعات تو دیکھ

غم حیات میں حاضر ہوں لیکن ایک ذرا

نگار شہر سے میرے تعلقات تو دیکھ

خود اپنی آنچ میں جلتا ہے چاندنی کا بدن

کسی کے نرم خنک گیسوؤں کی رات تو دیکھ

عطا کیا دل مضطر تو سی دیئے میرے ہونٹ

خدائے کون و مکاں کے توہمات تو دیکھ

گناہ میں بھی بڑے معرفت کے موقعے ہیں

کبھی کبھی اسے بے خدشۂ نجات تو دیکھ

qadam qadam pe tamanna-e-iltifat to dekh

zawal-e-ishq mein saudagaron ka hat to dekh

bas ek ham the jo thora sa sar utha ke chale

isi rawish pe raqibon ke waqiat to dekh

gham-e-hayat mein hazir hun lekin ek zara

nigar shahr se mere taalluqat to dekh

khud apni anch mein jalta hai chandni ka badan

kisi ke narm khunuk gesuon ki rat to dekh

ata kya dil-e-muztar to si diye mere hont

khuda-e-kaun-o-makan ke tawahhumat to dekh

gunah mein bhi bare maarifat ke mauqae hain

kabhi kabhi use be khadsha-e-najat to dekh