قرار دل کا یہ کاہے کو ڈھنگ تھا آگے

قرار دل کا یہ کاہے کو ڈھنگ تھا آگے

ہمارے چہرے کے اوپر بھی رنگ تھا آگے

اٹھائیں تیرے لیے بد زبانیاں ان کی

جنہوں کی ہم کو خوشامد سے ننگ تھا آگے

ہماری آہوں سے سینے پہ ہو گیا بازار

ہر ایک زخم کا کوچہ جو تنگ تھا آگے

رہا تھا شمع سے مجلس میں دوش کتنا فرق

کہ جل بجھے تھے یہ ہم پر پتنگ تھا آگے

کیا خراب تغافل نے اس کے ورنہ میرؔ

ہر ایک بات پہ دشنام و سنگ تھا آگے

qarar dil ka ye kahe ko dhang tha age

hamare chehre ke upar bhi rang tha age

uthaen tere liye bad zabaniyan un ki

jinhon ki ham ko khushamad se nang tha age

hamari ahon se sine pe ho gaya bazar

har ek zakhm ka kucha jo tang tha age

raha tha shama se majlis mein dosh kitna farq

ke jal bujhe the ye ham par patang tha age

kiya kharab taghaful ne us ke warna mir

har ek bat pe dushnam-o-sang tha age