قسمت کو اپنے لکھے کے تئیں کون دھو سکے

قسمت کو اپنے لکھے کے تئیں کون دھو سکے

سب ہو سکے ولیک یہ اتنا نہ ہو سکے

پھولوں کی سیج اس کے لیے فرش خار ہے

تجھ بن کسی طرح ترا عاشق نہ ہو سکے

تجھ بن نہ کر سکے مئے عشرت سے حلق تر

خوں ناب غم سے لب ترا عاشق نہ ہو سکے

گر چاہے گلشن دل پر داغ کی بہار

تو تخم اشک جتنے کہ اے دیدہ بو سکے

دیکھا اثر تمہارا بھی اے چشم اشکبار

کچھ کر سکے نہ اس کا گھر اپنا ڈبو سکے

دل کی ہوس نکال لیں آہ و فغاں بھی آپ

یہ بھی نہ درگزر کریں جو ان سے ہو سکے

نئیں جان و دل کے کھونے جہاں دارؔ کو دریغ

یاد اس کی پر نہ جان و دل اپنے سے کھو سکے

qismat ko apne likhe ke tain kaun dho sake

sab ho sake wilyak ye itna na ho sake

phulon ki sej us ke liye farsh khar hai

tujh bin kisi tarah tira ashiq na ho sake

tujh bin na kar sake mai-e-ishrat se halq tar

khun nab gham se lab tira ashiq na ho sake

gar chahe gulshan-e-dil par dagh ki bahar

tu tukhm ashk jitne ke ai dida bu sake

dekha asar tumhara bhi ai chashm-e-ashkbar

kuchh kar sake na us ka ghar apna dubo sake

dil ki hawas nikal len ah-o-fughan bhi ap

ye bhi na darguzar karen jo un se ho sake

nain jan-o-dil ke khone jahan dar ko daregh

yad us ki par na jan-o-dil apne se kho sake