قصہ کتاب عمر کا کیا مختصر ہوا

قصہ کتاب عمر کا کیا مختصر ہوا

رخ داستان غم کا ادھر سے ادھر ہوا

ماتم سرائے دہر میں کس کس کو روئیے

اے وائے درد دل نہ ہوا درد سر ہوا

تسکین دل کو راز خودی پوچھتا ہے کیا

کہنے کو کہہ دوں اور اگر الٹا اثر ہوا

آزاد ہو سکا نہ گرفتار شش جہت

دل مفت بندۂ ہوس بال و پر ہوا

دنیا کے ساتھ دین کی بیگار الاماں

انسان آدمی نہ ہوا جانور ہوا

فردا کا دھیان باندھ کے کہتا ہے مجھ سے دل

تو میری طرح کیوں نہ وسیع النظر ہوا

فردا کو دور ہی سے ہمارا سلام ہے

دل اپنا شام ہی سے چراغ سحر ہوا

qissa kitab-e-umr ka kya mukhtasar hua

rukh dastan-e-gham ka idhar se idhar hua

matam sarae dahr mein kis kis ko roiye

ai wae dard-e-dil na hua dard-e-sar hua

taskin-e-dil ko raz-e-khudi puchhta hai kya

kahne ko kah dun aur agar ulta asar hua

azad ho saka na giraftar-e-shash jihat

dil muft banda-e-hawas-e-bal-o-par hua

duniya ke sath din ki begar alaman

insan admi na hua janwar hua

farda ka dhyan bandh ke kahta hai mujh se dil

tu meri tarah kyun na wasi alnnazar hua

farda ko dur hi se hamara salam hai

dil apna sham hi se charagh-e-sahar hua