قحط بنگال

بنگال کی میں شام و سحر دیکھ رہا ہوں

ہر چند کہ ہوں دور مگر دیکھ رہا ہوں

افلاس کی ماری ہوئی مخلوق سر راہ

بے گور و کفن خاک بہ سر دیکھ رہا ہوں

بچوں کا تڑپنا وہ بلکنا وہ سسکنا

ماں باپ کی مایوس نظر دیکھ رہا ہوں

انسان کے ہوتے ہوئے انسان کا یہ حشر

دیکھا نہیں جاتا ہے مگر دیکھ رہا ہوں

رحمت کا چمکنے کو ہے پھر نیر تاباں

ہونے کو ہے اس شب کی سحر دیکھ رہا ہوں

خاموش نگاہوں میں امنڈتے ہوئے جذبات

جذبات میں طوفان شرر دیکھ رہا ہوں

بیداریٔ احساس ہے ہر سمت نمایاں

بیتابئ ارباب نظر دیکھ رہا ہوں

انجام ستم اب کوئی دیکھے کہ نہ دیکھے

میں صاف ان آنکھوں سے مگر دیکھ رہا ہوں

صیاد نے لوٹا تھا عنادل کا نشیمن

صیاد کا جلتے ہوئے گھر دیکھ رہا ہوں

اک تیغ کی جنبش سی نظر آتی ہے مجھ کو

اک ہاتھ پس پردۂ در دیکھ رہا ہوں

bangal ki main sham-o-sahar dekh raha hun

har chand ke hun dur magar dekh raha hun

iflas ki mari hui makhluq-e-sar rah

be gor-o-kafan khak ba sar dekh raha hun

bachchon ka tarapna wo bilakna wo sisakna

man bap ki mayus nazar dekh raha hun

insan ke hote hue insan ka ye hashr

dekha nahin jata hai magar dekh raha hun

rahmat ka chamakne ko hai phir nayar-e-taban

hone ko hai is shab ki sahar dekh raha hun

khamosh nigahon mein umandte hue jazbat

jazbat mein tufan-e-sharar dekh raha hun

bedari-e-ehsas hai har samt numayan

betabi-e-arbab-e-nazar dekh raha hun

anjam-e-sitam ab koi dekhe ke na dekhe

main saf in ankhon se magar dekh raha hun

sayyad ne lauta tha anadil ka nasheman

sayyad ka jalte hue ghar dekh raha hun

ik tegh ki jumbish si nazar ati hai mujh ko

ik hath pas-e-parda-e-dar dekh raha hun